BCCI vs PCB – Asia Cup 2025 India vs Pakistan Super-4 सामन्यानंतर वाद पेटला! BCCI ने हरिस रऊफ आणि साहिबजादा फरहानवर उचकावणाऱ्या हावभावांची तक्रार ICC कडे केली, तर PCB ने सूर्यकुमार यादवच्या वक्तव्यावर आक्षेप घेतला. पुढे काय कारवाई होणार? जाणून घ्या सविस्तर.
Haris Rauf Gesture – आशिया कप 2025 मध्ये भारत-पाकिस्तान सुपर-4 सामन्याने मैदानाबाहेरही मोठा वाद पेटवला आहे. टीम इंडियाने मैदानात बाजी मारल्यानंतर आता BCCI आणि PCB थेट ICC दरबारी गेले आहेत. एका बाजूला BCCI ने पाकिस्तानच्या हरिस रऊफ आणि साहिबजादा फरहानविरोधात उचकावणाऱ्या हावभावांबद्दल औपचारिक तक्रार दाखल केली आहे, तर दुसरीकडे PCB ने भारतीय कर्णधार सूर्यकुमार यादवच्या वक्तव्यावरच आक्षेप घेतला आहे.
BCCI vs PCB – BCCI ची ICC कडे तक्रार
BCCI Complaint – भारताकडून ICC ला कळवण्यात आलं आहे की, पाकिस्तानचे वेगवान गोलंदाज हरिस रऊफ आणि फलंदाज साहिबजादा फरहान यांनी सामन्यादरम्यान केलेले हावभाव उचकावणारे होते.
- 21 सप्टेंबर रोजी झालेल्या सामन्यात रऊफने “विमान पाडण्याचे” हावभाव केले, ज्यातून भारताच्या लष्करी कारवाईची थट्टा केली गेली.
- याचबरोबर, गोलंदाजीदरम्यान त्याने शुभमन गिल आणि अभिषेक शर्मा यांना शिवीगाळ केली.
- Sahibzada Farhan Gun Celebration दुसरीकडे, साहिबजादा फरहानने अर्धशतक पूर्ण केल्यानंतर बंदुकीच्या गोळीबारासारखी बॅट फिरवून “गन-फायरिंग सेलिब्रेशन” केलं.
या सर्व प्रकारावर BCCI ने अधिकृत मेलद्वारे ICC कडे तक्रार नोंदवली आहे. जर रऊफ आणि फरहान यांनी या आरोपांचा इन्कार केला, तर त्यांना ICC च्या एलिट पॅनल रेफरी रिची रिचर्डसन यांच्यासमोर सुनावणीला सामोरं जावं लागेल. दोषी आढळल्यास त्यांच्यावर कठोर कारवाई किंवा बंदी येऊ शकते.
PCB चा पलटवार: सूर्याविरोधात तक्रार
Suryakumar Yadav Statement -या तक्रारीनंतर PCB ने पलटवार करत भारतीय कर्णधार सूर्यकुमार यादवविरोधात तक्रार दाखल केली आहे.
- 14 सप्टेंबरच्या सामन्यानंतर सूर्यकुमार यादवने पहलगाव दहशतवादी हल्ल्यातील शहीद जवानांना श्रद्धांजली वाहत टीमचा विजय भारतीय सैन्याला समर्पित केला.
- PCB चा दावा आहे की सूर्याचे हे वक्तव्य “राजकीय” आहे आणि ते ICC च्या आचारसंहितेच्या विरोधात जाते.
तथापि, नियमांनुसार अशी तक्रार 7 दिवसांच्या आत दाखल करावी लागते. त्यामुळे PCB ने तक्रार वेळेत दाखल केली की नाही, यावरही आता प्रश्नचिन्ह उपस्थित होत आहे.
खेळाडूंच्या वादग्रस्त प्रतिक्रिया
सामन्यानंतर पत्रकार परिषदेत फरहान म्हणाला,
“तो सेलिब्रेशन फक्त त्या क्षणी सुचलं. मी साधारणपणे असे करत नाही. पण मला अचानक वाटलं की आज काहीतरी वेगळं करूया. लोक काय म्हणतात, याची मला पर्वा नाही.”
तर हरिस रऊफच्या हावभावांवर सोशल मीडियावर मोठी टीका झाली आहे. भारतीय चाहत्यांनी त्याच्या या कृतीला अनुचित आणि अशोभनीय म्हटलं आहे.
मोहसिन नकवींचा वादग्रस्त व्हिडिओ पोस्ट
वादात आणखी भर टाकत एशियन क्रिकेट कौन्सिलचे अध्यक्ष आणि PCB चे प्रमुख मोहसिन नकवी यांनी सोशल मीडियावर एक स्लो-मोशन व्हिडिओ शेअर केला. त्यात फुटबॉल स्टार ख्रिस्तियानो रोनाल्डो विमान कोसळल्यासारखे हावभाव करताना दिसत आहेत. नकवींनी हेच रऊफच्या सेलिब्रेशनशी जोडून शेअर केलं.
नकवी हे केवळ क्रिकेट बोर्डचे प्रमुख नाहीत, तर पाकिस्तानचे गृहमंत्रीही आहेत. भारताविरुद्ध वादग्रस्त वक्तव्य करण्यासाठी ते ओळखले जातात. त्यामुळे आता भारतीय संघ आशिया कप फायनलमध्ये ACC प्रमुखांसोबत मंच शेअर करणार का, हा मोठा प्रश्न निर्माण झाला आहे.
हेही वाचा – next pm of india – मोदींनंतर पंतप्रधानपदाची जबाबदारी कोणाची? UPUK सर्व्हेने उघडले जनतेचे आवडते नावे !
पुढे काय?
आशिया कप 2025 – सध्या दोन्ही देशांचे बोर्ड आपापल्या तक्रारींवर ठाम आहेत. ICC कडून सुनावणी होणार असून त्यानंतरच या वादाचा तोडगा लागेल.
भारत-पाकिस्तान सामन्याला मैदानावर जितका तणाव असतो, तितकाच तो आता मैदानाबाहेरही वाढलेला दिसतो. क्रिकेट हा खेळ आहे की राजकारणाचा नवा रणांगण, असा प्रश्न आता चाहत्यांमध्ये चर्चेत आहे.
