Trump Venezuela Oil Deal : अमेरिका व्हेनेझुएलाकडून 30-50 दशलक्ष बॅरल तेल खरेदी करणार? $2.8 अब्ज व्यवहार, राजकारण आणि अर्थकारणात मोठा बदल.
Trump Venezuela Oil Deal : अमेरिका व्हेनेझुएलाकडून तेल खरेदी करणार! अब्जावधींचा व्यवहार ठरला?
अमेरिका–व्हेनेझुएला तेल व्यवहारावर मोठी घोषणा, दोन्ही देशांना काय फायदा?
USA Venezuela News | अमेरिका व्हेनेझुएलाकडून मोठ्या प्रमाणात तेल खरेदी करणार असल्याचा दावा अमेरिकेचे माजी राष्ट्राध्यक्ष Donald Trump यांनी केला आहे. व्हेनेझुएलावर राजकीय आणि आर्थिक प्रभाव वाढवण्याच्या दिशेने अमेरिकेच्या हालचाली वेगात सुरू असून, त्याचाच एक भाग म्हणून तेल व्यापारावर लक्ष केंद्रीत करण्यात आले आहे.
डोनाल्ड ट्रम्प यांनी मध्यरात्री सोशल मीडियावर पोस्ट करत म्हटले की, Venezuela अमेरिकाेला ३० ते ५० दशलक्ष बॅरल उच्च दर्जाचे तेल पुरवेल. हे तेल बाजारभावानुसार विकले जाईल आणि या व्यवहारातून मिळणारे उत्पन्न दोन्ही देशांच्या “लोकांच्या फायद्यासाठी” वापरले जाईल, असा दावा त्यांनी केला.
$५६ प्रति बॅरल दर, व्यवहाराची किंमत $२.८ अब्ज?
ट्रम्प यांच्या म्हणण्यानुसार, Trump Oil Deal, सध्या तेलाचा दर सुमारे $५६ प्रति बॅरल आहे. त्यामुळे हा संपूर्ण व्यवहार सुमारे $२.८ अब्ज डॉलर इतका असू शकतो. विशेष म्हणजे, व्हेनेझुएलाकडे जगातील सर्वात मोठे तेल साठे असले तरी सध्या जागतिक उत्पादनात त्यांचा वाटा १% पेक्षा कमी आहे.
ट्रम्प यांची थेट घोषणा
“व्हेनेझुएलातील अंतरिम अधिकारी ३० ते ५० दशलक्ष बॅरल सॅन्क्शन तेल अमेरिकेला देणार आहेत. हे तेल बाजारभावाने विकले जाईल आणि त्या निधीवर अमेरिकेचे अध्यक्ष म्हणून माझे नियंत्रण असेल, जेणेकरून तो निधी अमेरिका आणि व्हेनेझुएलाच्या लोकांच्या हितासाठी वापरला जाईल,” असे ट्रम्प यांनी स्पष्ट केले.
तसेच, हे तेल स्टोरेज जहाजांद्वारे थेट अमेरिकेतील अनलोडिंग डॉकवर आणले जाणार असून, ऊर्जा सचिव ख्रिस राईट यांना ही योजना तात्काळ राबवण्याचे आदेश दिल्याचेही त्यांनी सांगितले.
व्हाईट हाऊसची तेल कंपन्यांशी महत्त्वाची बैठक
व्हेनेझुएलाच्या संघर्षरत तेल क्षेत्रात अमेरिकन गुंतवणूक आणि आधुनिक तंत्रज्ञान आणण्यासाठी दबाव वाढवण्यात येत आहे. त्यामुळे व्हाईट हाऊस शुक्रवारी अमेरिकन तेल कंपन्यांच्या वरिष्ठ अधिकाऱ्यांशी बैठक घेणार आहे.
इंडियन एक्सप्रेसच्या वृत्तानुसार, या बैठकीला ExxonMobil, Chevron आणि ConocoPhillips या कंपन्यांचे अधिकारी उपस्थित राहण्याची शक्यता आहे.
अमेरिकेला आर्थिक आणि लष्करी लाभ?
अमेरिकेचे गृहसुरक्षा सल्लागार Stephen Miller यांनी दावा केला की, व्हेनेझुएला सरकारकडून पूर्ण सहकार्य मिळत असून, त्यामुळे तेथील नागरिक अभूतपूर्व आर्थिक समृद्धी अनुभवतील. याचसोबत, अमेरिकेलाही आर्थिक, सुरक्षा आणि लष्करी पातळीवर मोठे फायदे मिळतील.
लष्करी कारवाईत २४ सुरक्षा कर्मचारी ठार
दरम्यान, कराकसमधील अधिकाऱ्यांनी दिलेल्या माहितीनुसार, राष्ट्रपती Nicolás Maduro यांना अटक करण्यासाठी झालेल्या अमेरिकन लष्करी कारवाईत किमान २४ व्हेनेझुएलाचे सुरक्षा कर्मचारी ठार झाले. मादुरो यांच्यावर ड्रग्ज तस्करीचे आरोप असून, त्यांना अमेरिकेत नेण्याचा अमेरिकेचा प्रयत्न असल्याचेही सांगण्यात येते.
आणखी काही बातमी वाचण्यासाठी – click here
हंगामी राष्ट्रपतींचा ट्रम्प यांना नकार
व्हेनेझुएलाच्या हंगामी राष्ट्रपती Delcy Rodríguez यांनी ट्रम्प यांच्या दाव्यांना साफ नकार दिला आहे. ट्रम्प यांनी याआधी इशारा देत म्हटले होते की, “योग्य निर्णय न घेतल्यास रॉड्रिग्ज यांना मादुरोपेक्षाही वाईट परिणाम भोगावे लागतील.” तसेच, अमेरिकन ऊर्जा कंपन्यांना व्हेनेझुएलाच्या तेल उद्योगात अधिक प्रवेश देण्याचा दबावही वाढवण्यात आला आहे.
Related Update
Lok Adalat 2026 Delhi : 10 जानेवारीला ट्रॅफिक चालान माफीची संधी | Token Registration Link
