Rohit Sharma Record न्यूझीलंडविरुद्ध रोहित शर्माकडे मोठा विक्रम! फक्त 7 धावा केल्यास सौरव गांगुलींना मागे टाकणार – संपूर्ण माहिती वाचा.
Rohit Sharma Record: फक्त 7 धावा आणि गांगुलींचा विक्रम मोडणार!
Rohit Sharma Marathi News : रोहित शर्मा (rohit sharma) याने ऑस्ट्रेलिया आणि दक्षिण आफ्रिकेविरुद्धच्या एकदिवसीय मालिकांमध्ये जबरदस्त कामगिरी करत चाहत्यांची मने जिंकली. आता न्यूझीलंडविरुद्ध होणाऱ्या तीन सामन्यांच्या एकदिवसीय मालिकेसाठी रोहितची निवड झाली असून, त्याच्याकडून पुन्हा एकदा दमदार फलंदाजीची अपेक्षा आहे.
कसोटी आणि टी-20 आंतरराष्ट्रीय क्रिकेटमधून निवृत्ती घेतल्यानंतर रोहित सध्या फक्त एकदिवसीय क्रिकेटवर पूर्ण लक्ष केंद्रित करत आहे. याच मालिकेत त्याच्याकडे एक मोठा विक्रम करण्याची सुवर्णसंधी आहे.
रोहित शर्माने आतापर्यंत न्यूझीलंडविरुद्ध 31 एकदिवसीय सामने खेळले असून त्यामध्ये त्याने 1073 धावा केल्या आहेत. तर भारतीय क्रिकेटमधील दिग्गज सौरव गांगुली यांनी न्यूझीलंडविरुद्ध एकदिवसीय क्रिकेटमध्ये एकूण 1079 धावा केल्या होत्या. आता जर रोहितने आगामी मालिकेत फक्त 7 धावा केल्या, तर तो न्यूझीलंडविरुद्ध एकदिवसीय सामन्यांमध्ये सर्वाधिक धावा करणारा भारतीय फलंदाज ठरेल.
ऑस्ट्रेलियाविरुद्धच्या एकदिवसीय मालिकेत रोहितने शानदार कामगिरी केली होती. तिसऱ्या सामन्यात त्याने 121 धावांची झुंजार खेळी केली आणि त्याला मालिकावीराचा पुरस्कारही मिळाला. यानंतर दक्षिण आफ्रिकेविरुद्धच्या मालिकेत त्याने दोन अर्धशतके झळकावत भारताच्या मालिका विजयात मोलाचा वाटा उचलला. पहिल्या सामन्यात 57 तर दुसऱ्या सामन्यात 75 धावांची खेळी त्याने केली.
आणखी काही बातमी वाचण्यासाठी – click here
Rohit Sharma New Zealand Record | 2007 साली एकदिवसीय क्रिकेटमध्ये पदार्पण केलेल्या रोहित शर्माने आतापर्यंत 279 एकदिवसीय सामन्यांमध्ये 11,516 धावा केल्या आहेत. त्यामध्ये 33 शतके आणि 61 अर्धशतकांचा समावेश आहे. विशेष म्हणजे एकदिवसीय क्रिकेटमध्ये तीन द्विशतके झळकावणारा रोहित शर्मा हा एकमेव खेळाडू आहे.
Related Update
IPL 2026: शार्दुल ठाकूरची मुंबई इंडियन्समध्ये भव्य एन्ट्री! MI ने दिले तब्बल 2 कोटी — पूर्ण डील पहा !
