Pakistan Air strike Kabul पाकिस्तानने अफगाणिस्तानच्या काबूल शहरावर हवाई हल्ले केल्याचा दावा! TTP प्रमुख नूर वली महसूद ठार झाल्याची शक्यता. सीमावाद आणि तालिबान-पाकिस्तान तणाव पुन्हा वाढला.
काबूल : अफगाणिस्तानची राजधानी काबूल गुरुवारी मध्यरात्री जोरदार स्फोटांनी हादरली. पाकिस्तानने तालिबानशी संबंधित दहशतवादी ठिकाणांवर हवाई हल्ले केल्याचा दावा करण्यात येत आहे. या हल्ल्यांमध्ये तेहरीक-ए-तालिबान पाकिस्तान (TTP) प्रमुख नूर वली महसूद ठार झाल्याची शक्यता व्यक्त केली जात आहे. या हल्ल्यांमुळे पाकिस्तान आणि तालिबान नियंत्रित अफगाणिस्तान यांच्यातील तणावात मोठी वाढ होण्याची भीती तज्ज्ञांनी व्यक्त केली आहे.
Pakistan Air strike Kabul काबूलमध्ये स्फोटांचे आवाज, नागरिक भयभीत
Pakistan Air Force strikes Kabul काबूलमध्ये मध्यरात्री अनेक ठिकाणी प्रचंड स्फोटांचे आवाज ऐकू आले. अफगाण अधिकाऱ्यांनी शहराच्या वरून अज्ञात हवाई हालचाली झाल्याची पुष्टी केली आहे.
तालिबानचे प्रवक्ते जबिउल्ला मुजाहिद यांनी X (माजी ट्विटर) वर लिहिले,
“काबूल शहरात स्फोटाचा आवाज ऐकू आला आहे. मात्र घाबरू नका, सर्व काही ठीक आहे. घटनेची चौकशी सुरू आहे आणि अद्याप कोणतीही हानी झाल्याची नोंद नाही.”
या वक्तव्यानंतरही शहरात भीतीचे वातावरण आहे. नागरिकांनी सांगितले की, अज्ञात लढाऊ विमानांनी शहराच्या मध्य आणि उत्तरेकडील भागात हल्ले केले. अनेक ठिकाणी इमारती हलल्यासारख्या जाणवल्या आणि लोक झोपेतून बाहेर आले.
TTP प्रमुख नूर वली महसूद लक्ष्यावर ?
TTP Chief Noor Wali Mehsud killed अनेक पाकिस्तानी आणि अफगाण सोशल मीडिया चॅनेल्सनुसार, पाकिस्तानच्या फायटर जेट्सनी केलेल्या या हल्ल्यांत TTP प्रमुख नूर वली महसूद यांना ठार करण्याचा प्रयत्न करण्यात आला.
त्यांचा मृत्यू झाल्याची भीती व्यक्त केली जात आहे, मात्र याबाबत अधिकृत पुष्टी झालेली नाही.
एका अफगाण अकाऊंटवरून पोस्ट करण्यात आले –
“Reportedly TTP chief Noor Wali Mehsud was targeted in airstrikes in Kabul by Pakistani fighter jets.”
“पाकिस्तान तालिबानला शिक्षा करत आहे” – सोशल मीडियावर चर्चा
पाकिस्तानी सोशल मीडिया नेटवर्क्सवर संदेश फिरत आहेत की,
“Pakistan Air Force ने आज रात्री काबूलमध्ये #Taliban च्या ठिकाणांवर अचूक हवाई हल्ले केले. पाकिस्तान तालिबान नेतृत्वाला जबर शिक्षा करत आहे.” या संदेशांमुळे पाकिस्तानकडून थेट काबूलमध्ये कारवाई करण्यात आल्याचे संकेत मिळतात.
सामान्य नागरिकांचे घरही उद्ध्वस्त
Taliban Pakistan tensions स्थानिक रहिवाशांच्या मते, या हल्ल्यांमध्ये काही नागरी घरेही उद्ध्वस्त झाली आहेत. अनेकांनी सोशल मीडियावर हल्ल्यांच्या फोटोज आणि व्हिडिओ पोस्ट करत सांगितले की, फायटर जेट्स शहरावरून उडताना दिसली.
एका रहिवाशाने लिहिले,
“काबूलच्या मध्य आणि उत्तर भागात प्रचंड स्फोट झाले. काही नागरिकांच्या घरांवरही हल्ल्यांचा परिणाम झाला आहे.”
तालिबानकडून बदला घेण्याची धमकी
तालिबानशी संलग्न माध्यमांनी या घटनेनंतर पाकिस्तानी हद्दीत “प्रतिशोधात्मक हल्ले” करण्याचा इशारा दिला आहे. काहींनी आत्मघाती हल्ल्यांचा उल्लेख करत “पाकिस्तानला धडा शिकवू” असे पोस्ट्स केले आहेत.
हेही वाचा
फिलिपाईन्समध्ये 7.6 तीव्रतेचा भूकंप! दावाओ हादरलं, त्सुनामीचा इशारा
सीमेवरील तणाव पुन्हा वाढण्याची भीती
लष्करी विश्लेषकांच्या मते, जर हे हल्ले पाकिस्तानकडून झाले असल्याचे सिद्ध झाले, तर हा दक्षिण आशियातील तणावाचा नवा अध्याय ठरेल. काबूलवर पाकिस्तानने थेट हवाई कारवाई केल्याची ही पहिली घटना मानली जात आहे. सध्या अफगाण प्रशासन या स्फोटांची चौकशी करत आहे आणि संभाव्य मृत्यू किंवा जखमींची नोंद गोळा केली जात आहे. परिस्थिती अजूनही तणावपूर्ण असून, पुढील काही तासांत नवे खुलासे होण्याची शक्यता आहे.
