Mumbai Monorail Update मुंबई मोनोरेल सुधारणा आराखड्याअंतर्गत ८ नवी अत्याधुनिक गाड्या अखेर रुळावर उतरल्या असून जुन्या ५ गाड्यांचे नूतनीकरणही सुरू झाले आहे. प्रवाशांना अधिक सुरक्षित आणि आधुनिक सेवा मिळणार आहे. मात्र सेवा पुन्हा केव्हा सुरू होणार, याची प्रतीक्षा मुंबईकरांना लागली आहे.
Mumbai Monorail – मुंबईकरांच्या दैनंदिन प्रवासाला नवा वेग देणाऱ्या मोनोरेल प्रकल्पात अखेर मोठं पाऊल टाकण्यात आलं आहे. काही महिन्यांपासून चर्चेत असलेला मोनोरेल सुधारणा आराखडा आता प्रत्यक्षात येतोय. याअंतर्गत नव्या अत्याधुनिक मोनोरेल गाड्या शनिवारीपासून चाचणीसाठी रुळांवर उतरल्या. त्याचबरोबर जुन्या गाड्याही सुधारून अत्याधुनिक करण्याची प्रक्रिया सुरू झाली आहे.
मोनोरेल सेवा अनिश्चित काळासाठी बंद
शनिवार, १९ सप्टेंबरपासून चेंबूर ते संत गाडगे महाराज चौक मोनोरेल मार्गिका प्रवाशांसाठी पूर्णपणे बंद करण्यात आली आहे. ही सेवा किती काळ बंद राहणार याबाबत अद्याप निश्चित काही सांगितले गेलेले नाही. मात्र, मुंबई महानगर प्रदेश विकास प्राधिकरणाने (MMRDA) यामागील कारण स्पष्ट केलं आहे.
एमएमआरडीएच्या माहितीनुसार, मोनोरेल सुधारणा आराखड्याच्या अंमलबजावणीसाठी आवश्यक कामे करण्यासाठी सेवा बंद ठेवणे भाग पडले. कारण गाड्यांसाठी लागणारी नवीन प्रणाली विकसित करण्यासाठी वेळ आणि सुरक्षिततेची आवश्यकता आहे.
आठ नवी गाड्या अखेर रुळावर
Monorail Update | मागील काही महिन्यांपासून आठ नवीन मोनोरेल गाड्यांचा ताफा उपलब्ध होता. पण आवश्यक प्रणाली बसवलेली नसल्यामुळे त्या गाड्या सेवेत दाखल होऊ शकत नव्हत्या. त्यामुळे प्रवाशांमध्ये नाराजी होती. अखेर आता त्या गाड्यांच्या चाचण्या सुरू झाल्या असून लवकरच या अत्याधुनिक गाड्या सेवेत दाखल होणार आहेत.
जुन्या गाड्यांचे नूतनीकरणही सुरू
Monorail Testing | फक्त नव्या गाड्याच नव्हे तर जुन्या पाच मोनोरेल गाड्यांनाही सुधारून अत्याधुनिक करण्यात येणार आहे. जुन्या गाड्यांमध्येही नवीन प्रणाली बसवली जाईल, ज्यामुळे त्या अधिक सुरक्षित आणि विश्वासार्ह बनतील. एमएमआरडीएचा दावा आहे की या सुधारित गाड्यांमुळे प्रवाशांना येत्या काळात अधिक सुरक्षित आणि आरामदायी सेवा मिळेल.
मोनोरेलवर वादांचा डोंगर
मोनोरेल प्रकल्प सुरू झाल्यापासून सतत तोट्यात असल्याची टीका होत आहे. गाड्यांची कमी संख्या, तांत्रिक बिघाड, देखभालीचा अभाव, वारंवार होणारे अपघात आणि अडचणींमुळे प्रवाशांचा विश्वास डळमळीत झाला. शिवाय, सुरक्षेचा प्रश्न गंभीर स्वरूपात उभा राहिला. त्यामुळेच अखेर मोनोरेल सेवा बंद करून सुधारणा आराखड्याला सुरुवात करण्यात आली.
अत्याधुनिक सेवा कधी सुरू होणार?
प्रवाशांना आता एकच प्रश्न भेडसावतोय – ही नवी सेवा नेमकी कधी सुरू होणार? एमएमआरडीएने स्पष्ट वेळापत्रक जाहीर केलेले नाही. मात्र, अधिकाऱ्यांच्या मते चाचण्या यशस्वी झाल्यावर आणि नवीन प्रणाली पूर्णपणे कार्यान्वित झाल्यावरच मोनोरेल पुन्हा प्रवाशांसाठी सुरू होईल.
हेही वाचा
महाराष्ट्रात नवरात्रोत्सव पावसात भिजणार? हवामान खात्याचा इशारा; गरबा प्रेमींची चिंता वाढली”
एमएमआरडीएचा दावा आहे की या सुधारणा पूर्ण झाल्यानंतर मोनोरेल केवळ मुंबईकरांसाठीच नव्हे तर संपूर्ण राज्यासाठी नव्या युगाची वाहतूक सेवा ठरेल.
