US-India Trade Deal वर अमेरिकन मंत्र्यांचा दावा भारताने फेटाळला. 2025 मध्ये PM मोदी आणि डोनाल्ड ट्रम्प यांच्यात 8 वेळा फोनवर चर्चा झाल्याची MEA ची माहिती.
US-India Trade Deal वर भारताचा ठाम खुलासा
US India Trade Agreement News भारत आणि अमेरिका यांच्यातील प्रस्तावित US-India Trade Deal अंतिम टप्प्यात असतानाच अमेरिकेच्या वाणिज्य मंत्र्यांच्या एका वक्तव्यामुळे नवा वाद निर्माण झाला आहे. अमेरिकेचे वाणिज्य मंत्री हॉवर्ड लुटनिक यांनी असा दावा केला होता की, पंतप्रधान नरेंद्र मोदी यांनी अमेरिकेचे राष्ट्राध्यक्ष डोनाल्ड ट्रम्प यांना फोन केला नाही, त्यामुळेच व्यापार करार अंतिम होऊ शकला नाही. मात्र, या दाव्याला भारताने स्पष्ट शब्दांत फेटाळून लावले आहे.
मोदी-ट्रम्प यांच्यात 8 वेळा फोनवर चर्चा
Modi Trump Trade Deal | या संदर्भात भारताच्या परराष्ट्र मंत्रालयाचे प्रवक्ते रणधीर जायसवाल यांनी भारताची भूमिका स्पष्ट केली. त्यांनी सांगितले की, भारत आणि अमेरिका गेल्या वर्षी फेब्रुवारीपासून द्विपक्षीय व्यापार करारावर सातत्याने चर्चा करत आहेत. दोन्ही देशांमध्ये अनेक फेऱ्यांमध्ये सविस्तर वाटाघाटी झाल्या आहेत. हॉवर्ड लुटनिक यांनी या चर्चांबाबत केलेले विधान वस्तुस्थितीशी जुळणारे नाही, असे जायसवाल यांनी ठामपणे सांगितले.
2025 मध्ये 8 वेळा थेट संवाद
PM Modi Donald Trump Phone Calls परराष्ट्र मंत्रालयानुसार, 2025 या वर्षात पंतप्रधान मोदी आणि डोनाल्ड ट्रम्प यांच्यात फोनवरून एकूण 8 वेळा चर्चा झाली आहे. या संवादांमध्ये भारत-अमेरिका व्यापक भागीदारीचे विविध मुद्दे चर्चिले गेले. अनेक वेळा आपण व्यापार करार अंतिम करण्याच्या अगदी जवळ पोहोचलो होतो, असेही त्यांनी स्पष्ट केले.
आणखी काही बातमी वाचण्यासाठी – click here
US-India Trade Deal वर भारताची भूमिका
MEA च्या माहितीनुसार, 13 फेब्रुवारी 2025 पासून भारत आणि अमेरिका हे दोन्ही देश एक संतुलित, न्याय्य आणि परस्पर लाभदायक द्विपक्षीय व्यापार करार करण्यासाठी कटिबद्ध आहेत. भारताने स्पष्ट केले आहे की, दोन्ही देशांच्या अर्थव्यवस्था एकमेकांना पूरक आहेत. त्यामुळे दोन्ही बाजूंना फायदा होईल असा करार शक्य आहे. मात्र, करार अद्याप अंतिम न झाल्याने भारताला सध्या अमेरिकेच्या 50 टक्के टॅरिफचा सामना करावा लागत आहे
हेही वाचा
Trump Venezuela Oil Deal | अमेरिका व्हेनेझुएलाकडून तेल खरेदी करणार? मोठा खुलासा
