Delhi Riots 2020 प्रकरणात उमर खालिद आणि शरजील इमाम यांना मोठा धक्का. ‘मी दिल्लीत नव्हतो’ युक्तिवाद फेटाळत सर्वोच्च न्यायालयाने जामीन नाकारला. संपूर्ण बातमी वाचा.
Delhi Riots 2020 च्या दिल्ली दंगलीप्रकरणात आरोपी असलेले उमर खालिद आणि शरजील इमाम यांना मोठा धक्का बसला आहे.
सर्वोच्च न्यायालय यांनी सोमवारी दोघांचेही जामीन अर्ज फेटाळले. फेब्रुवारी २०२० मध्ये ईशान्य दिल्लीत झालेल्या भीषण दंगलींमागील कथित कटात दोघांचा सक्रिय सहभाग असल्याचे न्यायालयाने स्पष्ट केले.
न्यायमूर्ती अरविंद कुमार आणि न्यायमूर्ती प्रसन्ना बी. वराळे यांच्या खंडपीठाने हा निर्णय दिला. न्यायालयाच्या मते, उमर खालिद आणि शरजील इमाम हे ‘कटाच्या सहभागाच्या पदानुक्रमात उच्च स्थानावर’ होते.
मात्र, या प्रकरणातील इतर पाच आरोपींना सशर्त जामीन मंजूर करण्यात आला.
५३ जणांचा मृत्यू, शेकडो जखमी
दिल्ली दंगलीत ५३ नागरिकांचा मृत्यू झाला होता, तर शेकडो जण जखमी झाले होते. या प्रकरणात उमर खालिदवर बेकायदा कारवाया (प्रतिबंध) कायदा – UAPA अंतर्गत गुन्हेगारी कट रचल्याचा आरोप आहे.
खालिदला २०२० मध्ये अटक करण्यात आली होती आणि तेव्हापासून तो तुरुंगात आहे.
“मी दिल्लीतच नव्हतो” – उमर खालिदचा युक्तिवाद
ऑक्टोबरमध्ये झालेल्या सुनावणीदरम्यान खालिदची बाजू मांडताना ज्येष्ठ वकील कपिल सिब्बल यांनी महत्त्वाचा मुद्दा उपस्थित केला.
“दिल्ली दंगलीप्रकरणी एकूण ७५१ एफआयआर दाखल आहेत. मात्र, उमर खालिदविरोधात फक्त एकच एफआयआर आहे.
दंगलीच्या काळात खालिद दिल्लीत उपस्थित नव्हता. त्याच्याकडून कोणतेही शस्त्र, अॅसिड किंवा गुन्हेगारी साहित्य जप्त झालेले नाही.”
याच मुद्द्यावर भर देत,
उमर खालिद यांनी न्यायालयात विचारले,
“मी दिल्लीतच नव्हतो, तर या प्रकरणाशी मला कसं जोडता येईल?”
‘बौद्धिक शिल्पकार’ असल्याचा आरोप
सरकारी वकिलांनी मात्र वेगळाच युक्तिवाद मांडला. त्यांच्या मते,
शरजील इमाम आणि उमर खालिद हे संपूर्ण कटाचे ‘बौद्धिक शिल्पकार’ होते.
डिसेंबर २०१९ मध्ये नागरिकत्व सुधारणा कायदा (CAA) मंजूर झाल्यानंतर,
- मुस्लिमबहुल भागांमध्ये व्हॉट्सअॅप ग्रुप तयार करण्यात आले,
- पत्रके वाटून निषेध, चक्का-जामचे आवाहन करण्यात आले,
- आवश्यक सेवांचा पुरवठा खंडित करण्याचा कट रचण्यात आला,
असा दावा सरकारी पक्षाने केला.
Related Update
26/11 Mumbai Attack – मुंबई हल्ला: त्या रात्रीने बदलून टाकलेली शहराची ओळख! नेमकं काय घडलं होतं ?
निष्कर्ष
दिल्ली दंगलीप्रकरणात उमर खालिद आणि शरजील इमाम यांना सध्या तरी दिलासा मिळालेला नाही. सर्वोच्च न्यायालयाच्या या निर्णयामुळे हे प्रकरण पुन्हा चर्चेत आले असून, पुढील न्यायालयीन प्रक्रियेवर सर्वांचे लक्ष लागले आहे.
आणखी काही बातमी वाचण्यासाठी – click here
